SUN’IY INTELLEKT TEXNOLOGIYALARINING INGLIZ TILINI O‘QITISHDAGI ZAMONAVIY YONDASHUV SIFATIDAGI ROLI

Abstract

Ushbu maqolada zamonaviy davrda sun’iy intellekt texnologiyalarining ingliz tili o‘rganish jarayoniga ko‘rsatayotgan ta‘siri va o‘rni tahlil qilinadi. Bugungi kunda ChatGPT, Grammarly, Duolingo, Ibrat farzandlari, Elsa Speak kabi intellektual dasturlar til o‘rganuvchilarga mustaqil mashq qilish, talaffuzni takomillashtirish, grammatik xatolarni tuzatish hamda foydali muloqot muhitini yaratish imkonini bermoqda. Shu bilan birga, maqolada bu vositalarning ijobiy va salbiy jihatlari, ya‘ni o‘quvchilarda ishtiyoq, motivatsiyani oshirish; o‘qituvchilarga yordam berish bilan bir qatorda, mustaqil fikrlash va ijodkorlik darajasining pasayish xavfi ham yoritiladi. Sun‘iy intellektning ingliz tili ta‘limidagi ahamiyati, uning ta‘lim tizimiga samarali integratsiya qilish yo‘llari hamda kelajakka qanday ta‘sir qilishi haqida ilmiy tahlil olib boriladi. Tadqiqot natijalari AI texnologiyalaridan cheklangan holda va maqsadli foydalanish zarurligina ko‘rsatadi.