TANQIDIY FIKRLASH MUAMMOSINING PSIXOLOGIK-PEDAGOGIK VA METODIK ADABIYOTLARDA O‘RGANILISHI
Keywords:
tanqidiy fikrlash, pedagogika, psixologiya, metodika, o‘quvchi, raqamli ta’lim, metodologiyaAbstract
Insoniyat hayotining asosiy mezonlaridan biri uning ongli mavjudot sifatida borliqni idrok etish, mavjud vaziyatlarni tushunish va ularga ongli ravishda munosabat bildirishi bilan belgilanadi. Ushbu jarayonning markazida tafakkur, ya’ni insonning turli shakl va usullarda fikrlash qobiliyati turadi. Ayniqsa, tanqidiy fikrlash zamonaviy davrda shaxsning ijtimoiy faoliyatini belgilovchi, voqelikni xolisona baholashga va oqilona qarorlar qabul qilishga yordam beruvchi eng muhim kognitiv kompetensiyalardan biri sifatida e’tirof etilmoqda. Maqolada tanqidiy fikrlash tushunchasining ilmiy asoslari, uni psixologik, pedagogik va metodik adabiyotlarda talqin etilishi tahlil qilingan. Shuningdek, xorijiy va milliy olimlarning qarashlari qiyosiy tahlil etilib, zamonaviy ta’lim tizimida tanqidiy fikrlashni rivojlantirishning o‘rni va ahamiyati yoritilgan.
