ZAMONAVIY O‘ZBEK LEKSIKOGRAFIYASIDA TERMINOLOGIK HAMDA ELEKTRON LUG‘ATLARNING O‘RNI

Abstract

Ushbu maqolada zamonaviy o‘zbek leksikografiyasida terminologik va elektron lug‘atlarning ahamiyati, ularning fan va amaliyotdagi o‘rni, til resurslarini raqamlashtirishdagi o‘rni hamda innovatsion yechimlar haqida fikr yuritiladi. Zamonaviy o‘zbek leksikografiyasining asosiy yo‘nalishlari, xususan, terminologik va elektron lug‘atlarning ahamiyati hamda ularning til taraqqiyotidagi o‘rni yoritilgan. Terminologik lug‘atlar fan va texnika sohalarida ishlatiladigan atamalarni me’yorlashtirish, yagona talqinda qo‘llashni ta’minlashda muhim vosita ekanligi ta’kidlanadi. Elektron lug‘atlar esa zamonaviy axborot texnologiyalari asosida yaratilgan bo‘lib, tezkor qidiruv, interaktiv foydalanish va ma’lumotlarni yangilab borish imkoniyatiga ega.