O‘ZBEK TILINI O‘QITISHDA KOMPETENSIYAVIY YONDASHUVNING LINGVISTIK ASOSLARI

Abstract

Maqolada o‘zbek tilini o‘qitishda kompetensiyaviy yondashuvning lingvistik asoslari nazariy jihatdan tahlil qilinadi. Kompetensiyaviy yondashuvning shakllanishiga ta’sir ko‘rsatgan tilshunoslik nazariyalari – generativ grammatika, sotsiolingvistika, nutq aktlari nazariyasi, funksional grammatika, matn tilshunosligi va kognitiv tilshunoslik – hamda ularning metodik talqini yoritiladi. O‘zbek tilining agglyutinativ tuzilishi, funksional-uslubiy tabaqalanishi va matn qurilishi xususiyatlari kompetensiyaviy o‘qitish mazmunini belgilashdagi asosiy omillar sifatida asoslanadi. Tadqiqot natijasida lingvistik asoslarning o‘qitish mazmuni, tamoyillari va baholash tizimidagi in’ikosi aniqlanadi.