Conferences

INGLIZ TILINI O‘QITISHDA LINGVISTIK INTUITSIYA VA METAKOGNITIV ONGLILIKNI RIVOJLANTIRISHNING PEDAGOGIK MEXANIZMLARINI TAKOMILLASHTIRISH

Xayotxon O‘rinboeva — Mon, 02 Nov 2026 00:00:00 +0000

Mazkur maqolada ingliz tilini o‘qitish jarayonida lingvistik intuitsiya va metakognitiv onglilikni rivojlantirishning nazariy-metodologik asoslari hamda pedagogik mexanizmlarini takomillashtirish imkoniyatlari tadqiq etiladi. Lingvistik intuitsiya til birliklarining grammatik, semantik va pragmatik jihatdan maqbulligini tezkor baholash qobiliyati sifatida, metakognitiv onglilik esa o‘quvchining o‘z bilish faoliyatini rejalashtirish, monitoring qilish va baholash jarayoni sifatida talqin etiladi. Tadqiqot Richard Schmidtning ongli payqash nazariyasi, John Flavellning metakognitiv monitoring konsepsiyasi hamda Rod Ellisning implicit va explicit bilimlar haqidagi ilmiy qarashlariga asoslanadi. Maqolada ongli idrok, metalingvistik tahlil, kontekstual mashq, kommunikativ avtomatlashuv va refleksiv monitoringni o‘zaro bog‘lovchi integrativ pedagogik mexanizm taklif etiladi. Shuningdek, lingvistik intuitsiyani rivojlantirishga qaratilgan mashqlar tizimi, baholash mezonlari va metodik tavsiyalar ishlab chiqiladi. Tadqiqot natijasida taklif etilgan konseptual modelning ingliz tili ta’limida ongli bilimlar va tezkor kommunikativ faoliyat o‘rtasidagi aloqalarni o‘rganish uchun nazariy asos bo‘lib xizmat qilishi asoslanadi.

HARBIY TA’LIMDA INGLIZ TILINI O‘QITISHDA AUDIOVIZUAL MATERIALLARNING DIDAKTIK IMKONIYATLARI

Nigora Turayeva — Mon, 02 Nov 2026 00:00:00 +0000

Tezisda harbiy ta’lim muassasalarida ingliz tilini o‘qitishda audiovizual materiallardan foydalanish imkoniyatlari yoritiladi. Video va audio materiallarni tanlash, ular asosida tinglab tushunish, fikrni bayon qilish hamda savol-javob mashqlarini tashkil etish bo‘yicha tavsiyalar beriladi. Xalqaro va mahalliy ilmiy manbalarga tayangan holda, materiallarni kursantlarning til darajasi va dars maqsadiga moslashtirish zarurligi ko‘rsatiladi. Shuningdek, subtitrlardan foydalanish, axborot manbasini tekshirish va kursantlarning javoblarini baholash masalalariga e’tibor qaratiladi.

INGLIZ TILI DARSLARIDA RAQAMLI VA INTERAKTIV VOSITALAR YORDAMIDA O‘QUVCHILARNING OG‘ZAKI NUTQ FAOLLIGINI OSHIRISHNING PEDAGOGIK SHART-SHAROITLARI

Shaxlo Samanova — Mon, 02 Nov 2026 00:00:00 +0000

Ushbu maqolada umumiy o‘rta ta’lim maktablarida ingliz tili darslarini raqamli va interaktiv vositalar asosida tashkil etish orqali o‘quvchilarning og‘zaki nutq faolligini oshirishning pedagogik shart-sharoitlari yoritiladi. Tadqiqotda zamonaviy axborot-kommunikatsiya texnologiyalarining o‘quvchilarning kommunikativ kompetensiyasi, nutq ravonligi, leksik faolligi va ta’limiy motivatsiyasini rivojlantirishdagi metodik imkoniyatlari tahlil qilinadi. Xususan, interaktiv so‘rovnomalar, onlayn hamkorlik doskalari, raqamli topshiriqlar va o‘yinlashtirilgan viktorinalardan foydalanishning didaktik afzalliklariga alohida e’tibor qaratiladi. Raqamli vositalar asosida tashkil etiladigan og‘zaki muloqot jarayonining tayyorgarlik, hamkorlikdagi nutqiy faoliyat va reflektiv baholash bosqichlari tavsiflanadi.

METHODOLOGY FOR TEACHING ENGLISH COLLOCATIONS TO UNIVERSITY STUDENTS USING VIDEO CONTENT

Diana Kenjayeva — Mon, 02 Nov 2026 00:00:00 +0000

This article deals with the issues based on analyzing the methodological principles of teaching English collocations to university students through authentic video content. Collocational competence plays an essential role in developing lexical accuracy, speaking fluency, and effective communication. However, students frequently experience difficulties using appropriate word combinations because vocabulary instruction often focuses on individual lexical items. Practical examples demonstrate how authentic videos can facilitate the recognition, retention, and productive use of collocations. Moreover, video-based instruction offers a promising approach to developing university students' collocational competence when supported by systematic pedagogical guidance and meaningful communication.