PEDAGOGNING BAHOLASH SAVODXONLIGI ZAMONAVIY KASBIY KOMPETENSIYANING MUHIM TARKIBIY QISMI SIFATIDA

Abstract

Ushbu maqolada ingliz tilini chet tili sifatida o‘qituvchi pedagoglarning baholash savodxonligi (Language Assessment Literacy – LAL) zamonaviy kasbiy kompetensiyaning muhim tarkibiy qismi sifatida tahlil qilinadi. So‘nggi tadqiqotlarda baholash savodxonligi faqat test tuzish va o‘quv natijalarini o‘lchash ko‘nikmasi bilan cheklanmay, baholash maqsadini belgilash, topshiriqlarni ishlab chiqish, baholash mezonlarini shakllantirish, natijalarni talqin qilish, konstruktiv fikr-mulohaza taqdim etish, formativ va summativ baholashdan maqsadga muvofiq foydalanish hamda baholashning adolatliligi va etik tamoyillarini ta’minlashni qamrab oluvchi ko‘p komponentli kasbiy kompetensiya sifatida qaralmoqda.