O‘ZBEK ADABIYOTIDA TOG‘AY MURODNING “OTAMDAN QOLGAN DALALAR” ASARIDA O‘SMIRLAR OBRAZINING RIVOJLANISHI VA SHAKLLANISHI

Abstract

Mazkur maqolada o‘zbek adabiyotining yirik namoyandasi Tog‘ay Murodning “Otamdan qolgan dalalar” asarida o‘smirlar obrazining rivojlanishi va shakllanishi masalasi tahlil qilinadi. Tadqiqotda asardagi o‘smir qahramonning ruhiy kechinmalari, hayotiy tajribalari, ichki ziddiyatlari hamda jamiyat va oilaviy muhit ta’sirida shaxs sifatida rivojlanish jarayoni badiiy jihatdan yoritiladi. Qahramon shaxsiy fazilatining shakllanishida ota merosi, mehnat tarbiyasi, yer va dalalar timsolining ramziy ma’nosi muhim omillar sifatida ko‘rib chiqiladi. Maqolaning asosiy maqsadi Tog‘ay Murod ijodida o‘smirlik davrining badiiy talqinini ochib berish, o‘smir obrazining o‘ziga xos xususiyatlari, rivojlanish bosqichlari va ma’naviy-axloqiy shakllanishini aniqlashdan iborat. Shuningdek, tadqiqot orqali o‘zbek adabiyotida o‘smir obrazining milliy qadriyatlar va ijtimoiy muhit bilan uzviy bog‘liqligi asoslab beriladi.